काठमाडौं । आज सोमबार जेठ २२ गते जाल्पा सामुदायिक लघुवित्तको लाभांश सुरक्षित गर्ने अन्तिम दिन हो ।
यस संस्थाले साधारण सभा तथा लाभांश वितरण प्रयोजनार्थ जेठ २३ गते बुक क्लोज गर्दैछ । तसर्थ, यस कम्पनीले प्रस्ताव गरेको लाभांश हात पार्न आजै सेयर खरिद गर्नुपर्नेछ ।
गत आर्थिक वर्षको नाफाबाट यस संस्थाले १४.२५ प्रतिशत बोनस सेयर र कर प्रयोजनका लागि ०.७५ प्रतिशत नगद लाभांश वितरण गर्दैछ । उक्त लाभांश पारित गर्न यस संस्थाले असार ४ गते वार्षिक साधारण सभा बोलाएको छ ।
वार्षिक साधारण सभामा गत आर्थिक वर्षको वार्षिक प्रतिवेदन, नाफा–नोक्सान हिसाब, नगद प्रवाह लगायत विवरणहरुमा छलफल गरी पारित गर्ने एजेन्डा रहेको छ ।
यता, अन्य कुनै लघुवित्तसँग मर्जर वा एक्विजिसनमा जानु परेमा सम्पूर्ण कार्य गर्ने अख्तियारी सञ्चालक समितिलाई प्रदान गर्ने प्रस्ताव रहेको छ । साधारण सभा बिहान ९ बजेएस आर होटल, ड्राइभरटोल रुपन्देहीमा सुरु हुनेछ ।
