काठमाडौं । सानिमा जीआइसी इन्स्योरेन्सको पाँचौं वार्षिक साधारण सभा जेठ ३२ गते बस्ने भएको छ । सभा, अमृतभोक कालिकास्थान, काठमाडौंमा विहान ११ बजे सुरु हुनेछ ।
साधारण सभामा संस्थापक सेयरधनीको तर्फबाट ३ जना र सर्वसाधारण सेयरधनीको तर्फबाट ३ जना सञ्चालकको निर्वाचन गर्ने एजेन्डा छ ।
आर्थिक वर्ष २०७८/७९ को वार्षिक प्रतिवेदन माथि पनि छलफल हुनेछ । यस्तै, आर्थिक वर्ष २०७९–८० को लागि लेखापरिक्षक नियुक्त गर्ने प्रस्ताव पनि छ ।
कम्पनीले यसपटक पनि सेयरधनीलाई कुनैपनि लाभांश वितरण नगर्ने भएको छ । यसर्थ, यो पटक कम्पनीका सेयरधनीको हात खाली हुनेछ । सभा प्रयोजनका लागि कम्पनीले जेठ १२ गते बुक क्लोज गरिसकेको छ ।
जेठ ११ गतेसम्म कायम सेरधनीहरु सभामा भाग लिन योग्य हुनेछन् । गत वर्षको कात्तिक ७ गतेबाट सानिमा जनरल र जनरल इन्सुरेन्स एक आपसमा मर्ज भएर सानिमा जीआइसी इन्सुरेन्सको नामबाट एकीकृत कारोबार सुरु भएको थियो ।
