काठमाडौं । सानिमा रिलायन्स लाइफ इन्स्योरेन्सले आर्थिक वर्ष २०८२/८३ को अपरिष्कृत वित्तीय विवरण सार्वजनिक गरेको छ। वित्तीय विवरणअनुसार गत आर्थिक वर्षमा कम्पनीले ३८ करोड ३८ लाख रुपैयाँ नाफा आर्जन गर्न सफल भएको छ।
अघिल्लो आर्थिक वर्ष २०८१/८२ मा इन्स्योरेन्स कम्पनीले ३७ करोड ७४ लाख रुपैयाँ नाफा आर्जन गरेको थियो। अघिल्लो आर्थिक वर्षको तुलनामा समीक्षा वर्षमा इन्स्योरेन्स कम्पनीको नाफा १.६९ प्रतिशतले बढेको छ।
समीक्षा वर्षमा कम्पनीको महाविपत्ति कोषमा १८ करोड ५९ लाख रुपैयाँ, रिटेन्ड अर्निङमा ३५ करोड ९८ लाख रुपैयाँ र अन्य इक्विटी ८ करोड ६८ लाख रुपैयाँ रहेको छ। अघिल्लो वर्ष महाविपत्ति कोषमा १४ करोड ७८ लाख रुपैयाँ, रिटेन्ड अर्निङमा ५३ करोड २७ लाख रुपैयाँ र अन्य इक्विटी ७ करोड ८२ लाख रुपैयाँ थियो।
गत आर्थिक वर्षमा इन्स्योरेन्स कम्पनीको जीवन बीमा कोषमा २५ अर्ब १२ करोड रुपैयाँ रहेको छ। अघिल्लो वर्षमा जीवन बीमा कोषमा १९ अर्ब २९ करोड ८१ लाख रुपैयाँ थियो। अघिल्लो वर्षको तुलनामा समीक्षा अवधिमा इन्स्योरेन्स कम्पनीको जीवन बीमा कोषको आकार ३०.१७ प्रतिशतले बढेको छ।
समीक्षा वर्षमा कम्पनीले ८ अर्ब ९ करोड ६ लाख रुपैयाँ कुल बीमाशुल्क आर्जन गरेको छ। अघिल्लो वर्ष इन्स्योरेन्स कम्पनीले ७ अर्ब ५३ लाख रुपैयाँ कुल बीमाशुल्क आर्जन गरेको थियो। अघिल्लो वर्षको तुलनामा समीक्षा वर्षमा कम्पनीको कुल बीमाशुल्क आर्जन १५.४९ प्रतिशतले बढेको छ।
इन्स्योरेन्स कम्पनीले गत आर्थिक वर्षमा ७ अर्ब ८५ करोड ४० लाख रुपैयाँ खुद बीमाशुल्क आर्जन गरेको छ। अघिल्लो आर्थिक वर्षमा इन्स्योरेन्स कम्पनीले ६ अर्ब ७६ करोड ६ लाख रुपैयाँ खुद बीमाशुल्क आर्जन गरेको थियो। अघिल्लो वर्षको तुलनामा इन्स्योरेन्स कम्पनीको खुद बीमाशुल्क आर्जन १६.१७ प्रतिशतले बढेको छ।
शेयरपुँजी ५ अर्ब १ करोड ४९ लाख रुपैयाँ रहेको इन्स्योरेन्स कम्पनीको वार्षिकीकृत प्रतिशेयर आम्दानी (ईपीएस) बढेर ७.६५ रुपैयाँ कायम भएको छ। अघिल्लो वर्ष ईपीएस ७.५३ रुपैयाँ थियो। पीई रेसियो ४९.४९ गुणा रहेको इन्स्योरेन्स कम्पनीको प्रतिशेयर नेटवर्थ ११२.६२ रुपैयाँ रहेको छ।
