‘सुपर ८’ को पहिलो खेलमा दक्षिण अफ्रिकासँग अमेरिका १८ रनले पराजित

ईसीसी टी–२० विश्वकपको सुपर ८ को पहिलो खेलमा अमेरिका पराजित भएको छ ।दक्षिण अफ्रिकासँग अमेरिका १८ रनले पराजित भएको हो ।

गएराति भएको खेलमा दक्षिण अफ्रिकाले दिएको १ सय ९५ रनको लक्ष्य पछ्याएको अमेरिकाले ६ विकेटको क्षतिमा १ सय ७६ रन मात्र बनाउन सक्यो ।

यसअघि टस हारेर पहिले ब्याटिङ गरेको दक्षिण अफ्रिकाले निर्धारित २० ओभरमा ४ विकेटको क्षतिमा १ सय ९४ रन बनाएको थियो ।