काठमाडौं। नेपाल स्टक एक्सचेन्ज (नेप्से) मा २ कम्पनीको बोनस सेयर सूचीकृत भएको छ । नेप्सेमा सीइडीबी हाइड्रोपावर डेभलपमेन्ट र मैलुङ खोला जलविद्युत कम्पनी लिमिटेडको बोनस सेयर सूचीकृत भएको हो ।
सीइडीबी हाइड्रोपावरको ९ लाख २३ हजार ३५१ कित्ता र मैलुङ खोलाको ८१ हजार ७६८।२४ कित्ता बोनस सेयर सूचीकरण गरिएको नेप्सेले जनाएको छ ।
यी २ कम्पनीले सेयरधनीलाई क्रमशः ११ र २.२२ प्रतिशत बोनस सेयर वितरण गरेका थिए । सोही सेयर सूचीकृत भएको हो । उक्त सेयर डिम्याट खातामा जम्मा भएपछि कारोबार गर्न सकिने छ ।
