काठमाडौं । जाडो बढेसँगै सीजी इलेक्ट्रोनिक्सले नवीनतम सौर्य प्रविधिसहितका सीजी सोलार वाटर हिटरहरू नेपाली बजारमा ल्याएको छ । कम्पनीले सानो परिवार, मध्यम परिवार, ठूलो परिवार र व्यावसायिक रूपमा प्रयोग सकिने क्षमताका सोलार वाटर हिटरहरू बजारमा ल्याएको जनाएको छ ।
यो वातावरणमैत्री सौर्य गिजरले परम्परागत ऊर्जा स्रोतको निर्भरतालाई कम गर्दै ग्राहकहरूको जीवनलाई थप सरल र ऊर्जा(दक्ष बनाउने कम्पनीले जनाएको छ ।
५ वर्षको ग्यारेन्टीसहित बजारमा ल्याइएका यी सोलार वाटर हिटरहरूको माग बजारमा बढेको सीजी इलेक्ट्रोनिक्सको भनाइ छ ।
यस सौर्य गिजरमा इभ्याकुएटेड ट्युब कलेक्टर टेक्नोलोजीको प्रयोग गरिएको छ, जसले सौर्य ऊर्जाको अधिकतम उपयोग गर्दै पानी तताउन थप प्रभावकारी बनाउँछ ।
ऊर्जा बचतमा योगदान दिने यस गिजरले बिजुली खर्च उल्लेखनीय रूपमा घटाउन सक्छ, जसले ग्राहकहरूको आर्थिक बचत मात्र होइन, वातावरणीय जिम्मेवारी वहन गर्नमा समेत सहयोग पुर्याउने कम्पनीको दाबी छ ।
सीजी सोलार वाटर हिटर विभिन्न क्षमता (१५ ट्युबदेखि ३६ ट्युबसम्म)मा उपलब्ध रहेको कम्पनीले जनाएको छ ।
कम्पनीका अनुसार १५–२० ट्युब गिजर साना परिवारहरूका लागि, २४(३० ट्युब गिजर मध्यम परिवारका लागि र ३६ ट्युब गिजर ठूलो परिवार वा व्यवसायिक प्रयोगका लागि उपयुक्त छन् ।
यसमा एन्टी–कोरोसन कोटिङ र मौसम प्रतिरोधी डिजाइन रहेकाले यो सोलार वाटर हिटर सबै प्रकारका मौसममा टिकाउ र भरपर्दो रहेको कम्पनीको दाबी छ । साथै, यसको प्रयोगकर्ता(मैत्री डिजाइनले गिजरको सजिलो स्थापना र मर्मत सुनिश्चित गरेको छ।
जाडोमा न्यानो र ऊर्जा बचतसँगै हरित भविष्य निर्माणमा योगदान पुर्याउने सीजी सोलार वाटर हिटरहरू नेपालभरका सीजी इलेक्ट्रोनिक्स शोरूमहरूमा उपलब्ध रहेको कम्पनीले जानकारी दिएको छ ।
