स्कटल्याण्डमा अमेरिकी राष्ट्रपति डोनाल्ड ट्रम्प र युरोपेली आयोगकी प्रमुख उर्सुला भन डर लेयेनबीचको भेटपछि अमेरिका र युरोपेली संघबीच व्यापार सम्झौता भएको छ।
अब दुवै पक्षले अधिकांश वस्तुहरूमा प्रत्यक्ष रूपमा १५ प्रतिशत भन्सार शुल्क लगाउने छन्। यसले विश्व अर्थव्यवस्थामा झट्का दिने गरी भारी करको सम्भावनालाई टारेको छ ।
राष्ट्रपति ट्रम्पले बताएअनुसार ईयूले अब करिब ७५० अर्ब डलर बराबरको अमेरिकी ऊर्जा खरिद गर्नेछ र ६०० अर्ब डलरको लगानी गर्नेछ।
दुवै पक्षले अटोमोबाइल लगायत सबै वस्तुहरूमा १५ प्रतिशत शुल्क निर्धारण गरेका छन्। लेयेनले यस सम्झौतालाई स्थिरता र व्यापारिक विश्वास अभिवृद्धि गराउने सम्झौता भनेकी छन्।
