काठमाडौं । हिमालय ऊर्जा विकास कम्पनीले बिक्री खुला गरेको शतप्रतिशत हकप्रद सेयर मंगलबार भदौ २५ गते बाँडफाँट भएको छ ।
यस कम्पनीले ९९ लाख कित्ता हकप्रद सेयर बिक्री खुला गरेकोमा ८४ लाख ५३ हजार ६४१ कित्ताका लागि मात्र आवेदन परेको छ ।
यसआधारमा १४ लाख ४६ हजार ३५९ कित्ता हकप्रद बिक्री हुन नसकेको देखिन्छ । बिक्री नभएको बाँकी सेयर हिमालय ऊर्जाले अब लिलामीमा ल्याउनेछ । यस कम्पनीले साउन २४ गतेदेखि भदौ १२ गतेसम्म हकप्रद सेयर बिक्री खुला गरेको थियो ।
