काठमाडौँ । गायक मोतीराज खनालको ‘नक्कले साइँली’ बोल गीतको म्युजिक भिडियो सार्वजनिक भएको छ । गीतमा गायक खनालकै शब्द र सङ्गीत रहेको छ ।
गीतमा बालगायिका कल्पना विष्टको समेत स्वर रहेको छ । म्युजिक भिडियोको निर्देशन सुरज खनालले गर्नुभएको छ ।
भिडियोमा भुवन के पोखरेल, अनिल पौडेल, जुना कार्की र सुबुही शाहीको अभिनय रहेको छ । भिडियोको छायाङ्कन शिव विश्वकर्मा र सम्पादन विनोद बमले गर्नुभएको छ ।
जनमत पार्टीका अध्यक्ष तथा सांसद सिके राउतले सान्स फिल्म युट्युब च्यानलमार्फत भिडियो सार्वजनिक गर्नुभएको हो ।
राष्ट्रिय जनसांस्कृतिक महासङ्घ नेपालका अध्यक्ष प्रेमनाथ अधिकारी, मेगा कलेजका अध्यक्ष गोपाल खनाललगायतले सर्जक तथा गायक खनालको तिज गीतबारे चर्चा गर्नुभएको थियो ।
