काठमाडौं । लक्ष्मी सनराइज बैंक कोष प्रवद्र्धक तथा लक्ष्मी सनराइज क्यापिटल लिमिटेड योजना व्यवस्थापक तथा डिपोजिटरी रहेको लक्ष्मी म्युचुअल फण्डअन्तर्गत सञ्चालित ‘शुभ लक्ष्मी कोष’ले लाभांश घोषणा गरेको छ ।
साउन १२ गते बसेको सञ्चालक समितिको बैठकले आर्थिक वर्ष ०८१/०८२ का लागि उक्त योजनाका इकाइधनीलाई करसहित १६ प्रतिशत प्रतिफल (लाभांश) वितरण गर्ने निर्णय गरेको हो ।
यसका लागि मंगलबार (साउन १३) एक दिन बुक क्लोज हुने भएकाले अघिल्लो दिनसम्म कायम रहेका इकाइधनीले मात्रै लाभांश पाउनेछन् । खुलामुखी यस योजनामा लगानीकर्ताले पुनः प्रतिफल रकम लगानी गर्न सक्नेछन् ।
पुनः लगानी योजनामा सहभागी नहुने इकाइधनीको लाभांशबापतको रकम हितग्राही खातामा उल्लेखित बैंक खातामा जम्मा गरिने क्यापिटलले जनाएको छ ।
