काठमाडौं । चालु आर्थिक वर्षको तीन महिनामा ग्लोबल आइएमई बैंकको नाफा २२.९१ प्रतिशतले बढेर १ अर्ब ८५ करोड ८६ लाख रुपैयाँ पुगेको छ । गत आर्थिक वर्षको सोही अवधिमा बैंकको नाफा १ अर्ब ५१ करोड २१ लाख रुपैयाँ रहेको थियो ।
बैंकको वितरण योग्य नाफा ४ अर्ब ८४ करोड ९५ लाख रुपैयाँ रहेको छ । बैंकले खुद ब्याज आम्दानी ४ अर्ब १३ करोड ३० लाख रुपैयाँ रहेको छ । गत आर्थिक वर्षको सोही अवधिमा ४ अर्ब ११ करोड ८९ लाख रुपैयाँ रहेको थियो ।
चालु आर्थिक वर्षको तीन महिनामा बैंकको सञ्चालन नाफा १०.४३ प्रतिशतले बढेर २ अर्ब ३७ करोड १६ लाख रुपैयाँ पुगेको छ ।
बैंकको चुक्तापुँजी ३८ अर्ब ११ करोड ५८ लाख रुपैयाँ रहेको छ भने जगेडा कोषमा ४ अर्ब ८४ करोड ९५ लाख रुपैयाँ छ । बैंकको खराब कर्जा ४.९८ प्रतिशत रहेको छ । प्रतिसेयर आम्दानी १९.५१ रुपैयाँ रहेको बैंकको प्रतिसेयर नेटवर्थ १७९.५० रुपैयाँ रहेको छ ।
